اسلام آباد (مانیٹرنگ ڈیسک) خطرے سے بچاؤ کی حکمت عملی یا پھر حقیقت؟ تحریک انصاف کے رہنما کے گھر سے چور کیا چیز چوری کرکے لے گئے؟ تفصیلات کے مطابق تحریک انصاف کے رہنما شبلی فراز کے گھر میں چوری کی عجیب و غریب واردات ہوئی، انہوں نے انکشاف کیا ہے کہ چور نے گھر سے کچھ ضروری کاغذات جن میں ٹیکس ریٹرنز، پراپرٹی کے کاغذات اور احمد فراز ٹرسٹ کا ریکارڈ چوری کر لیا ہے۔ تحریک انصاف کے رہنما شبلی فراز

جو کہ اسلام آباد کے سیکٹر F-7 میں رہائش پذیر ہیں، نے اس چوری کو سازش کا نام دیا ہے اور کہا ہے کہ میرے اور پارٹی کے خلاف یہ ایک شرمناک اقدام ہے اور ان کاغذات کو اس لیے چرایا گیا ہے تاکہ انہیں اور ان کی پارٹی تحریک انصاف کو بلیک میل کیا جا سکے۔ تحریک انصاف کے رہنما شبلی فراز نے امید ظاہر کی کہ ان حرکتوں سے پارٹی کو توڑا نہیں جا سکتا، پولیس کو رپورٹ کردی گئی ہے اب ان کا فرض ہے کہ وہ اس واقعہ کی تحقیق و تفتیش کریں۔