اسلام آباد (مانیٹرنگ ڈیسک ) سوات اور گرد و نواح میں زلزلے کے جھٹکے محسوس کئے گئے ، زلزلے کی زیر زمین گہرائی دو سو اڑسٹھ کلومیٹر جبکہ مرکز کوہ ہندوکش ریجن افغانستان تھا ، زلزلے سے کسی قسم کے جانی یا مالی نقصان کی اطلاع موصول نہیں ہوئی ۔

زلزلے کے جھٹکے محسوس ہوتے ہی لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے ۔ ریسکیو اور امدادی ٹیمیں کسی ہنگامی صورتحال سے نمٹنے کیلئے الرٹ تھیں تاہم خوش قسمتی سے کسی قسم کے جانی و مالی نقصان کی اطلاع نہیں مل سکی ۔