اسلام آباد (این این آئی) وفاقی وزیر ریلوے خواجہ سعد رفیق نے کہا ہے کہ چوہدری نثار علی خان ہمارے ساتھ تھے ٗہیں اور ساتھ ہی رہیں گے۔سعد رفیق نے اپنے ایک ٹوئیٹر پیغام میں کہا کہ وزیر داخلہ چوہدری نثارعلی خان کی مسلم لیگ (ن )اور نواز شریف کے ساتھ 32 سال کی رفاقت ہے، وہ آزمائش اورمشکل وقت میں پیچھے نہیں ہٹیں گے۔پیغام میں ان کا کہنا تھا کہ چوہدری نثار علی خان آزمائش میں انشاء اللہ فرنٹ لائن پر ہوں گے

جس کے بعد مخالفین کی ناپاک خواہشات اور عزائم دھرے رہ جائیں گے۔سعد رفیق نے کہاکہ مسلم لیگ (ن) میں ایشوز پر اختلاف رائے کا حق اختلاف کرنے اوراختلاف برداشت کرنے والے دونوں کا کریڈٹ ہے اوریہی جمہوریت کی شان ہے ٗ ہمت ہے توعوامی خدمت اورکارکردگی کامقابلہ اورموازنہ کیا جائے اورگالیاں ٗبیہودگی، جھوٹے الزامات، انتقامی مقدمات اور سازشیں ہمیں روک نہیں سکتیں۔