لاہور( این این آئی ) وزیر دفاع خواجہ محمد آصف نے کہا ہے کہ مسلم لیگ (ن)محمدنواز شریف کی قیادت میں متحد ہے اور آئندہ عام انتخابات میں بھاری اکثریت سے کامیابی حاصل کرے گی،وقت گزرنے کے ساتھ ساتھ سیاسی جماعتوں میں پختگی آئی ہے۔ ایک انٹر ویو میں انہوں نے کہا کہ ہمیں سپریم کورٹ پر مکمل اعتماد ہے اور مسلم لیگ (ن)اس مقدمے میں کامیابی حاصل کرے گی۔
ملک کی ترقی کی راہ میں رکاوٹیں ڈالنے والے سازشی عناصر ہمیشہ کی طرح ناکام و نامراد ہی رہیں گے۔انہوں نے کہا کہ نواز شریف کی متحرک قیادت اور منشور کے تحت پاکستان اقتصادی لحاظ سے بھی دنیا میں ایک مضبوط قوت بن کر سامنے آئے گا۔ ایک سوال کے جواب میں انہوں نے کہا کہ وقت گزرنے کے ساتھ ساتھ سیاسی جماعتوں میں پختگی آئی ہے۔
