اسلام آباد (مانیٹرنگ ڈیسک) مریم نواز نے کھیل بگاڑا، ن لیگ کے اہم وزیر نے استعفیٰ دینے کے فوراً بعد ہی سیاسی دھماکہ کردیا، پنجاب حکومت کے مستعفی ہونے والے وزیر مال عطا مانیکا نے کہا کہ مریم نواز بے نظیر نہیں ہیں جو بچ جائیں گی، جب پاناما کا معاملہ شروع ہوا تھا اسی وقت وزیراعظم نواز شریف کو چاہیے تھا کہ استعفیٰ دے دیتے۔ ایک نجی ٹی وی کے مطابق عطا مانیکا کا کہنا ہے کہ مریم نواز کے میڈیا سیل نے حالات میں بگاڑ پیدا کیا، عطا مانیکا نے گزشتہ روز یہ الزام دیتے ہوئے استعفیٰ
دیا کہ بے کار اور غیر فعال محکموں کی انہیں کوئی ضرورت نہیں۔ میڈیا سے بات چیت کرتے ہوئے انہوں نے کہا کہ تنخواہ لینے کی انہیں کوئی ضرورت نہیں ہے اور نہ ہی ان کی عمر کھلونوں سے کھیلنے کی ہے۔ انہوں نے کہا کہ میں پارلیمان کا سینئر رکن ہوں مگر اس کے باوجود مجھے گزشتہ چار سال سے حکومت نے دیوار سے لگائے رکھا، ان چار سالوں میں صرف دو دفعہ انتہائی مشکل سے وزیراعلیٰ پنجاب سے ملاقات ہو سکی، اس تمام صورتحال پر مجبور ہو کر میں نے استعفیٰ دے دیا ہے۔
