لاہور(این این آئی ) پاکستان پیپلز پارٹی کے زیر اہتمام 23 جولائی کو دوپہر 04 بجے لاہور پریس کلب سے ایوان اقبال تک گو نواز گو ریلی نکالے گی جس کی قیادت پاکستان پیپلز پارٹی لاہور کے صدر عزیز الرحمن چن کریں گے۔ ریلی میں جیالوں کی کثیر تعداد شرکت کرے گی۔ مزید برآں عزیز الرحمن چن نے اپنے جاری ایک بیان میں کہا کہ پیپلز پارٹی کی ریلیاں حکمرانوں کے ایوانوں کو ہلا کر رکھ دیں گی۔

ہٹ دھرمی پر قائم وزیر اعظم کو مجبوراً گھر کا راستہ ناپنا پڑے گا۔ نواز شریف اخلاقاً حق حکمرانی کھو بیٹھے ہیں۔ انہوں نے کہا کہ مسلم لیگ ن کا طرز حکمرانی ماضی کی طرح عوام کا استحصال کرنے پر مبنی رہا۔ قوم اب مسلم لیگ ن کو اقتدار میں نہیں دیکھنا چاہتی۔ پانامہ لیکس نے شریف خاندان کی کرپشن کا پول کھول دیا ہے۔ شریف خاندان نے قوم دے دھوکہ کیا ہے اس لئے انہیں اپنے کئے کی سزا سے دوچار ہونا ہو گا۔

موضوعات:پاکستان پیپلز پارٹی گو نواز گو ریلی