اسلام آباد (مانیٹرنگ ڈیسک) پشاور، سکول کے پرنسپل کے شرمناک کرتوت، حدیں پار کر لیں، تفصیلات کے مطابق حیات آباد میں واقع ایک سکول کے پرنسپل کو خواتین کی وڈیو بنا کر انہیں بلیک میل کرنے کے نتیجے میں گرفتار کر لیا ہے، ملزم نے پشاور کی ماتحت عدالت کے جوڈیشل مجسٹریٹ اصغر خان کے سامنے پیش ہو کر اپنے جرم کا اعتراف کر لیا ہے۔ پرنسپل نے عدالت میں کہا کہ میں جو کچھ کیا مجھے اس پر پچھتاوا ہو رہا ہے اور میں اللہ کے سامنے بھی شرمندہ ہوں اور معافی کا طالب ہوں۔ پرنسپل نے مزید کہا کہ میں طوائفوں میں دل چسپی لیتا تھا، میں نے کبھی

اپنے سکول میں کام کرنے والی خواتین پر بری نظر نہیں ڈالی، البتہ میں نے ذاتی خوشی کے لیے ان خواتین کی ویڈیو بنائی جس پر میں بہت شرمندہ ہوں۔ یہاں یہ بات واضح کرتے چلیں کہ پرنسپل سکول میں کام کرنے والی خواتین کو ڈراتا تھا کہ اگر انہوں نے اس کی بات نہ مانی تو یہ خفیہ طور پر بنائی گئی ویڈیو سوشل میڈیا پر عام کر دی جائیں گی۔ حیات آباد کی پولیس نے خفیہ اطلاع پر اس سکول پر چھاپہ مارا جہاں پر پرنسپل کے آفس سے خفیے کیمرے اور لیپ ٹاپ سمیت دیگر سامان برآمد کر لیا، جسے پولیس نے ضبط کرنے کے بعد پرنسپل کے خلاف مقدمے کا اندراج کر لیا۔