اسلام آباد (مانیٹرنگ ڈیسک) نیب نے حدیبیہ کیس کھولنے کا فیصلہ کر لیا۔نجی ٹی وی کے مطابق سپریم کورٹ میں سماعت کے دوران نیب کے وکیل چودھری اکبر تارڑ نے کہا کہ ہم سوچ رہے ہیں کہ حدیبیہ کیس سے متعلق ہائیکورٹ کے فیصلے کو چیلنج کیا جائے ۔
جس پر پانامہ عملدرآمد بنچ کے سربراہ جسٹس اعجاز افضل نے کہا کہ آپ نے سوچ لیا ہے تو آپ کی یہ سوچ تحریری شکل میں کب آئے گی؟ جس پر نیب کے وکیل نے کہا کہ اگلے ہفتے میں ہائیکورٹ کے فیصلے کے خلاف سپریم کورٹ میں اپیل دائر کریں گے۔واضح رہے کہ سپریم کورٹ کی جانب سے آج پانامہ کیس کی سماعت مکمل کر کے فیصلہ محفوظ کرلیا گیا ہے۔
