اسلام آباد(مانیٹرنگ ڈیسک) سازشی ٹولہ سی پیک کےخلاف عوام کو گمراہ کر رہا ہے جس کو عوام کامیاب نہیں ہونے دینگے، جے آئی ٹی نالائق لوگوں کی ٹیم تھی جو کوئی ثبوت پیش نہیں کر سکی، پاکستان ٹوٹنے پر جے آئی ٹی کیوں نہیں بنی؟لوگو جہاد کا وقت آگیا ہے، باہر نکلو، علمائے کرام مساجد میں اعلانات کریں، جے آئی ٹی والوں کے ہاتھ اللہ کوـڑھے کرے گا اور اللہ
نیک لوگوں کا بدلہ لے گا،وزیراعظم نواز شریف کے داماد اور ممبر قومی اسمبلی کیپٹن(ر)صفدر کا یونین کونسل 6پھلگراں شاہ پور میں سوئی گیس کی افتتاحی تقریب سے خطاب۔روزنامہ دنیا کی رپورٹ کے مطابق وزیراعظم نواز شریف کے داماد اور ممبر قومی اسمبلی کیپٹن(ر)صفدر کا یونین کونسل 6پھلگراں شاہ پور میں سوئی گیس کی افتتاحی تقریب سے خطاب کرتے ہوئے کہا ہے کہ پاکستان مسلم لیگ ن ہی واحد جماعت ہے جس نے ہر محاذ پر پاکستان کی تعمیر و ترقی میں اہم کردار ادا کیا، سازشی ٹولہ سی پیک کے خلاف عوام کو گمراہ کر رہا ہے جس کو عوام کامیاب نہیں ہونے دینگے۔ جے آئی ٹی نالائق لوگوں کی ٹیم تھی جو کوئی ثبوت پیش نہیں کر سکی، ہم نے پاکستان بنایا سازشیوں نے توڑا، مشرقی پاکستان پر جے آئی ٹی کیوں نہیں بنی؟ مجھ سےجے آئی ٹی میں سوال پوچھا گیا کہ کیسے پیسہ آیا؟میں نے کہا کہ میں 6مزاروں کے ورثا میں سے ہوں، یہ سازش 73کے آئین کو توڑنے کیلئے ہو رہی ہے ، لوگو جہاد کا وقت آگیا ہے باہر نکلو ۔ علمائے کرام کو مساجد میں اعلانات کرنا چاہئیں، جے آئی ٹی والوں کے ہاتھ اللہ کوـڑھے کرے گا اور اللہ نیک لوگوں کا بدلہ لے گا۔ ان خیالات کا اظہار انہوں نے یونین کونسل 6پھلگراں شاہ پور میں سوئی گیس کی افتتاحی تقریب سے خطاب کرتے ہوئے کیا۔ انہوں نے کہا کہ نواز شریف سے دھرنا پارٹی استعفیٰ مانگ رہی ہے مگر یہ لوگ سن لیں نواز کبھی کسی کے کہنے پر استعفیٰ نہیں دینگے۔ پاکستان کی ترقی روکنے والوں کے خلاف جہاد کا وقت ہے۔ عمران خان کبھی وزیراعظم نہیں بنے گا۔
