اسلام آباد(مانیـٹرنگ ڈیسک)جمائمہ اسلام قبول کر کے جب پاکستان آئی تو ن لیگ نے اس کے خلاف یہودی لابی ہونے کا الزام لگا دیا، ملتانی ٹائل کے کیس کو نوادرات قرار دیتے ہوئے مقدمہ دائر کر دیا، آج مریم کی پیشی پرانہیں تکلیف ہو رہی ہے، پی ٹی آئی چیئرمین عمران خان
پہلی بار اپنی سابقہ اہلیہ جمائمہ کے حق میں پھٹ پڑے، بیچاری قرار دے دیا، ن لیگ پر سنگین الزامات عائد۔ تفصیلات کے مطابق نجی ٹی وی کو انٹرویو ہوئے پی ٹی آئی چیئرمین عمران خان پہلی بار اپنی سابقہ اہلیہ جمائمہ کے حق میں بول پڑے ۔ انہوںنے کہا کہ جمائمہ صرف 21سال کی تھی جب وہ ایک غیر مسلم خاندان کو چھوڑ کر اسلام قبول کر کے میری اہلیہ بنیں اور پاکستان آئیں۔ ن لیگ نے اس وقت اسے یہودی لابی قرار دیتے ہوئے اس کے خلاف محاذ کھڑا کر دیا جس سے وہ بے حد پریشان ہوئیں، انہوں نے کہا کہ ن لیگ نے صرف اسی پر اکتفا نہیں کیا بلکہ جب جمائمہ نے پاکستان سے ملتانی ٹائلز کا تحفہ اپنی والدہ کو بھیجا تو ائیرپورٹ پر کسٹم حکام نے اسے نوادرات قرار دیتے ہوئے سمگلنگ کا الزام لگا کر مقدمہ قائم کر دیا۔ نواز شریف نے بینظیر بھٹو شہید کے بارے میں کیا کچھ نہیں کہا۔ ان کا کہنا تھا کہ جمائمہ اس وقت صرف 21سال کی تھی اور وہ یہودی نہیں بلکہ عیسائی سے مسلمان ہوئی تھی، وہ اس وقت بے حد پریشان ہوئی، اگر وہ بڑی عمر کی ہوتی تو برداشت کرلیتی، آج انہیں اپنی صاحبزادی مریم نواز کی پیشی پر تکلیف ہو رہی ہے ۔ انہیں اس وقت خیال نہیں آیا کہ کسی کی بیٹی، بہن اور بیوی کے ساتھ ایسا سلوک نہیں کیا جاتا۔
