اسلام آباد (مانیٹرنگ ڈیسک) پانامہ جے آئی ٹی ممبران میں سے تین ممبران جوڈیشل اکیڈمی نہ پہنچ سکے، حسین نواز کا فائنل بیان قلمبند کرنے کیلئے آئی ایس آئی کے بریگیڈئیر نعمان، جے آئی ٹی سربراہ واجد ضیا، اسٹیٹ بینک آف پاکستان کے عامر عزیز موجود،
پیشی کیلئے نہ آنے والے ارکان قطر میں موجود ، قطری شہزادے کا بیان ریکارڈ کر نے کی اطلاعات۔ تفصیلات کے مطابق حسین نواز کی چھٹی بار پیشی کے موقع پر جے آئی ٹی کے تین اراکین جوڈیشل اکیڈمی نہ آئے۔حسین نواز کا فائنل بیان قلمبند کرنے کیلئے آئی ایس آئی کے بریگیڈئیر نعمان، جے آئی ٹی سربراہ واجد ضیا، اسٹیٹ بینک آف پاکستان کے عامر عزیز موجودہیں۔میڈیا رپوٹس میں بتایا گیاہے کہ متعلقہ تینوں افسران جے آئی ٹی سے متعلق دیگر اہم امور نمٹا رہے ہیں، ان امور کی انجام دہی کیلئے ان تینوں اراکین کو فیلڈ ورک کیلئے جانا تھا، جس کے باعث تینوں افسران اب تک اجلاس میں شرکت نہ کرسکے۔تینوں افراد دس جولائی کو سپریم کورٹ میں پیش کرنے والی رپورٹ پر کام رہے ہیں، جو نہایت اہمیت کی حامل ہے۔اب نجی ٹی وی چینل 24نیوز کے مطابق جے آئی ٹی کے تین ممبران جو حسین نواز کی پیشی اور فائنل بیان ریکارڈ کرنے نہیں آئے وہ قطر میں موجود ہیں اور قطری شہزادے حماد بن جاسم الثانی کا بیان ریکارڈ کر رہے ہیں۔ تینوں ممبران رات گئے خاموشی سے میڈیا کو اطلاع ہوئے بغیر قطر روانہ ہوئے تھے۔
