اسلام آباد (مانیٹرنگ ڈیسک)پاکستان تحریک انصاف کے چیرمین عمران خان نے کہا ہےکہ اسمبلی میں بیٹھ کر ساتھیوں کی توہین کرنا اور اس طرح کی زبان استعمال کرنا ان کا کام ہے، جب ان کا اپنا وزیر کوئی ایسی بات کرتا ہے تو وزیراعظم نواز شریف کو چاہیے کہ ایکشن لیں۔اسلام آبادمیں میڈیاسے گفتگوکرتے ہوئے پاکستان تحریک انصاف کے چیرمین عمران خا ن نے کہاکہ مریم نواز جو ہر وقت ٹوئیٹ کرتی رہتی ہیں ان کو ایکشن لینا چاہیے، اس پر کوئی بات نہیں کی
جس سے عورتوں کی کوئی توہین ہو۔ جو وہ تصویر تھی تصویر تو وہی تھی جو آگے ہونے والا ہے ،سب کو نظر آ رہا ہے کہ ایک ٹیم نے میچ جیتنا اور ایک نے میچ ہارنا ہے اور ہارنے والی ٹیم کی شکل نظر آ رہی ہے، انشاء اللہ ہم دعا کرتے ہیں کہ اتوار والے دن انڈیا کی ٹیم کی ایسی شکل ہو گی جیسی ان کی ٹیم کی شکل ہے۔ عمران خان نے کہاکہ نواز شریف نے ہمیشہ یہ کیا ہے کہ بجائے اس کے کہ اپنی صفائی پیش کریں وہ کہتے ہیں کہ یہ سب میرے خلاف سازش ہے۔
