اسلام آباد(آئی این پی ) وفاقی وزیرداخلہ چوہدری نثار علی خان نے وفاقی دارالحکومت میں وی آئی پی مو ومنٹ پر روٹ لگانے پر پابندی عائد کرتے ہوئے کہا ہے کہ سڑکوں اور چوراہوں پر پولیس جوانوں کو کھڑا کرنے کی بجائے سیکیورٹی کے جدید طریقہ کار کو بروئے کار لاتے ہوئے وی آئی پی سیکیورٹی کویقینی بنایا جائے ۔ جمعرات کو ترجمان وزارت داخلہ کے مطابق وزیرداخلہ چوہدری نثار علی خان نے وی آئی پی
موومنٹ کے سلسلے میں اسلام آباد میں غیر ضروری پابندی عائد کردی ۔ وزیرداخلہ کا کہنا تھا کہ شدید گرمی اور سخت سردی میں گھنٹوں پولیس اہلکاروں کو سڑکوں پر کھڑا رکھنا کسی طور پر بھی مناسب نہیں ، سڑکوں اور چوراہوں پر پولیس جوانوں کو کھڑا کرنے کی بجائے سیکیورٹی کے جدید طریقہ کار کو بروئے کار لاتے ہوئے وی آئی پی سیکیورٹی کویقینی بنایا جائے ۔
