اسلام آباد (مانیٹرنگ ڈیسک) مسلم لیگ (ن) کے سینیٹر مشاہد اللہ بھی قومی ائیر لائن پی آئی اے کو چونا لگاتے رہے، تفصیلات کے مطابق پاکستان مسلم لیگ (ن) کے سینیٹر مشاہد اللہ علاج کے سلسلے میں 21 مارچ سے 28 مارچ تک پی آئی اے کے خرچے پر لندن میں ایک لگژری ہوٹل میں قیام پذیر رہے۔ سینیٹر مشاہد اللہ کو لندن میں پی آئی اے کے پینل پر موجود میریٹ ہوٹل میں ٹھہرایاگیا، میڈیا ذرائع کے مطابق سینیٹر

مشاہداللہ کو ہوٹل کے بل کے مطابق پی آئی اے کا ملازم ظاہر کیا گیا، اس کے علاوہ جب وہ پاکستان واپس آئے تو حکومت سے اپنے علاج کی مد میں ساڑھے 19 لاکھ روپے وصول کیے، میڈیا پر پی آئی اے کے عملے کی جانب سے دیے گئے ڈاکومنٹس بھی سامنے آ گئے ہیں، سب سے قابل ذکر بات یہ ہے کہ سینیٹر مشاہد اللہ کے بھائی لندن کے ہیتھرو ائیر پورٹ پر پی آئی اے اسٹیشن مینجر ہیں۔