کراچی(آئی این پی)سعودی قونصل جنرل محمد عبداللہ عبدالدائم نے کہا ہے کہ روزانہ 6 ہزار پاسپورٹ عمرہ ویزہ کے لئے جمع ہوتے ہیں ،جن پر ویزہ لگاکر اسی روز ساڑھے 3 بجے سہ پہر متعلقہ ٹریول ایجنٹ کو واپس کردئیے جاتے ہیں ،کراچی میں ویزہ اسٹیکر کی کوئی کمی نہیں ہے 40 ہزار اسٹیکر موجود ہیں ،وہ جمعرات کو مقامی ہوٹل میں اپنی جانب سے افطار وڈنر کے موقع پر میڈیا سے بات چیت کررہے تھے،

اس موقع پر گورنرر سندھ محمد زبیر ،وزیراعلیٰ سندھ سید مراد علی شاہ ،صوبائی وزراء نثار کھوڑو ،سید ناصر حسین شاہ ،سہیل انور سیال ،جماعت اسلامی کراچی کے حافظ نعیم الرحمن ،جے یو آئی کے قاری محمد عثمان ،چئیرمین اینٹی کرپشن غلام قادر تھیبو ،ایم کیو ایم پاکستان کے رہنماء روؤف صدیقی ،تاجر ،صنعت کارو ،صحافی ومختلف شعبوں سے تعلق رکھنے والے افراد بھی موجود تھے،ایک سوال پر انہوں نے کہا کہ ہماری ڈیوٹی ہے کہ ہم حجاج کرام کی خدمت کریں ،ورنہ ہم یہاں کس لئے بیٹھے ہیں ،ہم نے صرف پیر سے بدھ تک 20 ہزار عمرہ ویزہ جاری کئے ہیں،انہوں نے کہا کہ کچھ ویزے جاری کرنے میں مشکلات اس وجہ سے ہوئی ہیں کہ ملٹی نیٹ کیبل کٹہ ہوا ہے جس کی وجہ سے ویزے جاری کرنے میں مشکلات ہوتی ہیں ،جبکہ ہمارا عملہ شام 6 بجے تک موجود ہوتا ہے ،ایک مزید سوال پر انہوں نے کہا کہ گزشتہ سال 60 لاکھ عمریویزے جاری کئے گئے تھے ،جس میں سب سے زیادہ 23.5 فیصد ویزے پاکستان کو جاری کئے گئے ،انہوں نے کہا کہ پاکستان سے ہمارے برادرانہ تعلقات ہیں اور ہم ان تعلقات کو قدر کی نگاہ سے دیکھتے ہیں،انہوں نے کہا کہ اس بات میں کوئی صداقت نہیں کے ہم ویزے جاری کرنے میں مشکلات پیدا کرتے ہیں ،اس سلسلے میں میڈیا کو ہم دعوت دیتے ہیں کہ وہ آکر قونصلیٹ میں خود دیکھ سکتا ہے

کہ ہمارا نظام کتنا شفاف ہے،انہوں نے کہا کہ ٹریول ایجنٹ وی کلاس ٹکٹ جاری کرتا ہے ،ہمارے مختلف کمپنیوں کے 12 ڈراپ باکس ہیں جس کے زریعے ویزہ جاری کیا جاتا ہے ،انہوں نے کہا کہ پچھلے سال کے نسبت اس سال دگنے ویزے جاری کررہے ہیں ۔