اسلام آباد (این این آئی)پانا ما لیکس کی تحقیقات کیلئے قائم جے آئی ٹی نے وزیر اعظم کے چھوٹے صاحبزادے حسن نواز کوجمعہ کو طلب کرلیا ۔ذرائع کے مطابق وزیر اعظم کے چھوٹے صاحبزادے حسن نواز جمعہ کو پاناما جے آئی ٹی میں پیش ہوں گے ذر ائع کے مطابق حسن نواز جمعے کے روز جے آَئی ٹی کو اپنا بیان قلم بند کرائیں گے ٗجے آئی ٹی میں پیشی کیلئے حسن نواز برطانیہ سے پاکستان آئے ہیں ۔
واضح رہے کہ اس سے قبل جے آئی ٹی میں پیشی کے دوران حسین نواز کا شوگر لیول کم ہوگیا جس کے باعث انہیں فوری طبی امداد دی گئی، جوڈیشل اکیڈمی میں ایمبولینس کو اسی مقصد کیلئے بلایا گیا۔فیڈرل جوڈیشل اکیڈمی میں ایمبولینس پہنچ گئی ، حسین نواز کے معاون بھی اکیڈمی کے اندر چلے گئے، لیگی رہنما حنیف عباسی ساتھیوں سمیت جوڈیشل اکیڈمی پہنچ گئے، نہال ہاشمی، چوہدری تنویر اور وزیر کیڈ طارق فضل چوہدری بھی موجود ہیں۔
