اسلام آباد(مانیٹرنگ ڈیسک) گورنر خیبرپختونخوا پی ٹی آئی کے نشانے پر ، گاڑی کو ٹکر مارنے پر تحریک انصاف کی رہنما شیریں مزاری اور اقبال ظفر جھگڑا میں تلخ کلامی،گورنرخیبرپختونخواپربرس پڑیں ۔ تفصیلات کے مطابق پارلیمنٹ ہاؤس اسلام آباد کے باہر اس وقت کشیدہ صورت حال پیدا ہوگئی جب تحریک انصاف کی رہنما شیریںمزاری اور گورنر خیبرپختونخوا اقبال ظفر جھگڑا میں تلخ کلامی ہو گئی۔
شیری مزاری کا انداز نہایت جارحانہ تھا، گورنر خیبرپختونخوا کے پروٹوکول میں شامل گاڑی نے شیریں مزاری کی گاڑی کو ٹکر ماری جس پر وہ نہایت جارحانہ انداز میں اقبال ظفر جھگڑا کی جانب بـڑھیں اور مخاطب کرتےکہا کہ’’ آپ کی پروٹوکول گاڑی میری گاڑی کو ٹکر مار کر بھاگ گئی اور اس پر نمبر پلیٹ بھی نہیں لگی ہوئی تھی۔ اپنے سٹاف کو تمیز سکھائیں، یہ بہت غلط بات اور بدتمیزی ہے، آپ کی گاڑیاں لوگوں کو ٹکر مار رہی ہیں۔ گورنر ہونے کا مطلب یہ نہیں ہے کہ آپ کسی کو بھی مار دیں‘‘‘۔شیریں مزاری کے جارحانہ انداز اور اچانک ہلے سے اقبال ظفر جھگڑا پہلے تو بوکھلا گئے تاہم بعد میں سنبھلتے ہوئے وضاحت دینے کی کوشش کی لیکن شیریں مزاری نے انہیں کچھ کہنے ہی نہ دیا جس پر گورنر خیبرپختونخوا بھی غصے میں آگئے ور شیریں مزاری کو کہا کہ اونچی آواز میں بات نہ کریں۔ چیخنے کی ضرورت نہیں۔ آپ خود کو دیکھیں کس طرح بات کررہی ہیں۔ تاہم شیریں مزاری اقبال ظفر جھگڑا کو اچھی بھلی سنا کروہاں سے چلی گئیں ۔واضح رہے کہ تحریک انصاف کی رہنماشیریں مزاری کااس سے قبل وفاقی وزیرپانی وبجلی خواجہ آصف بھی قومی اسمبلی میں بھی جھگڑاہواتھاجس کی وجہ خواجہ آصف کی ایک تقریرتھی .اب ایک مرتبہ پھردونوں جماعتوں کے درمیان مزیدکشیدگی بڑھنے کاامکان ہے ۔
