اسلام آباد (مانیٹرنگ ڈیسک) گوادر کے علاقہ اوڑماڑہ میں داڑھیوں کے ڈیزائنز پر پابندی عائد ۔ تفصیلات کے مطابق ضلع گوادر کے علاقہ اوڑماڑہ کی میونسپل کمیٹی اجلاس میں رمضان کی آمد سے قبل اجلاس میں داڑھیوں کے ڈیزائنز کو توہین مذہب قرار دیتے ہوئے حجاموں کے داڑھیوں کے ڈیزائن بنانے پر پابندی عائد کر دی گئی ہے۔ اجلاس میں جے یو آئی(ف)کے مقامی رہنما مولوی محمد امین نے حجاموں کے داڑھیوں کے
ڈیزائن بنانے پر اعتراض کرتے ہوئے اس عمل کو توہین مذہب قرار دیا تھا۔ اعتراض کے بعد میونسپل چیئرمین نے آئندہ ہفتے بروز پیر سے حجاموں کے داڑھی کے ڈیزائن بنانے پر پابندی عائد کر دی ہے۔ میڈیا سے بات کرتے ہوئے مولوی محمد امین کا کہنا تھا کہ جو شخص داڑھی رکھنا چاہتا ہے وہ رکھ سکتا اور جو شیو کرانا چاہتا ہے وہ شیو کرائے مگر داڑھی کے ڈیزائن بنا کر توہین مذہب کی اجازت نہیں دی جا سکتی۔
