اسلام آباد(مانیٹرنگ ڈیسک)پانامہ جے آئی ٹی کاشریف خاندان کی لندن میں پراپرٹی کی تحقیقات کیلئے قطر کے الثانی خاندان کو آئندہ ہفتے سوالنامہ بھیجنے کا فیصلہ جبکہ نواز شریف کے کزن طارق شفیع کو سوالنامہ بھجوا دیا گیا ۔ پاکستان کے مؤقر انگریزی اخبار ایکسپریس ٹربیون کی ذرائع کے حوالے سے ایک رپورٹ میں دعویٰ کی گیا ہے کہ پانامہ جے آئی ٹی شریف خاندان کی لندن میں پراپرٹی سے متعلق ایک سوالنامہ آئندہ ہفتے قطر کے الثانی خاندان کو بھجوانے کا فیصلہ کیا ہے
جبکہ پانامہ جے آئی ٹی کے ممبران قطر جا کر تحقیقات کرنے کے حوالے سے پاکستان کی وزارت خارجہ سے بھی امکانات پر رابطے میں ہیں اور اس حوالے سے مشاورت جاری ہے ۔ یہ فیصلہ اس قطری شہزادے کے خط کے تناظر میں کیا گیا ہے جسے پانامہ کیس کی سماعت کے دوران بطور ثبوت شریف خاندان کی جانب سے سپریم کورٹ میں پیش کیا گیا ہے جبکہ دوسری جانب پانامہ جے آئی ٹی نے وزیراعظم نواز شریف کے کزن طارق شفیع کو بھی ایک سوالنامہ بھجوا دیا ہے۔
