لاہور (مانیٹرنگ ڈیسک)لاجواب سروس کے پائلٹ کا باکمال کارنامہ،پی آئی اے کا پائلٹ چینی خاتون کو کاک پٹ میں لے کر بیٹھا رہا۔ تفصیلات کے مطابق پی آئی اے کی پرواز پی کے 853 ٹوکیو سے بیجنگ جا رہی تھی۔ پائلٹ کو چینی خاتون ایسی بھائی کہ سکیورٹی بھول کر اس سے دوستی میں مگن ہو گیا۔ لینڈنگ کے وقت کاک پٹ سے عملے کو بھی نکال دیا۔

لاجواب سروس کے پائلٹ نے ایسا کمال کیا جو شاید کوئی نہ کر سکے۔ کپتان کا یہ عمل عالمی ایوی ایشن قوانین کی کھلم کھلا خلاف ورزی ہے۔ اس سے پہلے بھی قومی ایئر لائن کے پائلٹ بڑے بڑے کارنامے کر چکے ہیں۔ چند روز پہلے کا ہی واقعہ ہے کہ اسلام آباد سے لندن جانے والی فلائٹ کا پائلٹ دوران پرواز طیارہ چھوڑ کر سو گیا تھا۔ طیارے میں 305 مسافر سوار تھے تاہم، طیارہ اللہ کے آسرے پر اڑتا رہا۔