ڈیرہ اسماعیل خان(آئی این پی)علاقہ لنڈہ شریف میں دولہا کو جوان العمر لڑکی دکھا کر ساڑھے تین لاکھ روپے لیکر عمر رسیدہ عورت سے نکاح کروادیا گیا ،گومل یونیورسٹی پولیس نے دولہا کے بھائی کی رپورٹ پر چھ افراد کے خلاف فراڈ سمیت دیگر دفعات کے تحت مقدمہ درج کر لیا.تھانہ گومل یونیورسٹی میں لنڈہ شریف کے شاہ جہان ولد ملک مسو نے رئیس خان کنڈی ولد اٹل خان سکنہ ممریز ٹانک ،اللہ نواز ولد ایاز کھوکھر سکنہ گولا کورائی ،

فضل دین بیٹنی ولد حاجی گل سکنہ مانجھی خیل ،خالد، مشل خان ،شہباز ولد نا معلوم مروت سکنائے تتر خیل کے خلاف419۔420۔506۔148۔149ppcکے تحت رپورٹ درج کروائی ہے کہ ملزمان نے 28مارچ2017کو میرے بھائی کے نکاح میں دینے کیلئے نوجوان العمر لڑکی دکھائی اور ہم سے اسکے بدلے ساڑھے تین لاکھ روپے لئے جبکہ ملزمان نے دھوکہ دہی سے میرے بھائی کا نکاح کروادیا ،اب رقم کی واپسی کے تقاضے پر الٹا ملزمان دھمکیاں دے رہے ہیں۔