لاہور(مانیٹرنگ ڈیسک)وزیراعلیٰ پنجاب محمد شہباز شریف نے اوکاڑہ کے علاقے ہیڈسلیمانکی میں گندم خریداری مرکز پر اچانک چھاپہ مارااوروزیراعلیٰ بغیر پروٹوکول کے عام کار میں بیٹھ کر گندم خریداری مرکز پہنچے۔انتظامیہ اورپولیس وزیراعلیٰ کے اس اچانک دورے سے لاعلم رہی۔اس موقع پر وزیراعلیٰ نے گندم خریداری مرکز کے باہر ٹرک اورٹرالیوں کی قطاروں کا سخت نوٹس کانوٹس لیا
جبکہ وزیراعلیٰ کی دورے کی اطلاع پرگندم خریداری کا عملہ غائب ہوگیا۔وزیراعلیٰ نے کاشتکاروں کی جانب سے باردانہ نہ ملنے کی شکایات کا فوری نوٹس لیتے ہوئے معاملے کی انکوائری کا حکم دیا۔اس موقع پروزیراعلی شہبازشریف نے کہاکہ میں اپنے کاشتکار بھائیوں کی خدمت کیلئے یہاںآیا ہوں ۔جس نے آپ سے زیادتی کی ہے وہ بچ نہیں پائے گا۔انہوں نے کہاکہ غریب کسان کی محنت کی کمائی پٹواری یا تحصیلدار مافیا کو ہڑپ کرنے نہیں دوں گا۔وزیراعلیٰ نے کاشتکاروں کی فائلیں بدلنے کے واقعہ کا سخت نوٹس لیاہے۔وزیراعلیٰ نے کہاکہ آپ کے ساتھ ہر قیمت پر انصاف ہوگا۔انہوں نے کہاکہ آپ میرے بھائی ہیں جس نے گڑ بڑ کی ہے اسے نہیں چھوڑوں گا۔شہبازشریف نے ڈی پی او کو تھانہ حویلی لکھا کے حوالے سے کاشتکاروں کی شکایات کے بارے میں انکوائری کرنے کی ہدایت کہ ۔ وزیراعلی نے انتظامی افسروں کو کہاکہ کتنے افسوس کی بات ہے کہ یہ واقعہ آپ کے علم میں نہیں ۔شہبازشریف نےڈپٹی کمشنر اورڈی پی اوکو اپنی نگرانی میں کاشتکاروں کو باردانہ کی فراہمی یقینی بنانے اور کاشتکاروں کی کھڑی گاڑیوں سے گندم جلداتارنے کے احکامات جاری کئے۔وزیراعلیٰ نے کاشتکاروں کی جانب سے باردانہ نہ ملنے کی شکایات کا فوری نوٹس لیتے ہوئے معاملے کی انکوائری کا حکم دیا۔وزیراعلیٰ نے کہاکہ کسان بھائیوں کے ساتھ ہر قیمت پر انصاف ہوگا۔انہوں نے کہاکہ آپ میرے بھائی ہیں جس نے گڑ بڑ کی ہے اسے نہیں چھوڑوں گا۔
