اسلام آباد(مانیٹرنگ ڈیسک)نجی ٹی وی چینل سما نیوز کی رپورٹ کے مطابق اسلام آباد میں منعقدہ فٹبال ٹورنامنٹ میں گو نواز گو کے نعرے لگ گئے۔ تفصیلات کے مطابق گرائونڈ میں موجود نوجوانوں نے گو نواز گو کے تین نعرے لگائے تو وزیر مملکت مریم اورنگزیب میچ کو ادھورا چھوڑ کر چلی
گئیں جس کے بعد نعرے لگانے والےنوجوانوں کو چند سول کپڑوں میں ملبو س لوگوں نےزد و کوب کیا اور ان کے ساتھ مار پیٹ بھی کی۔ رپورٹ کے مطابق نوجوانوں کا کہنا تھا کہ جمہوریت میں ہر کسی کو حق حاصل ہے کہ وہ اپنا احتجاج ریکارڈ کروائے لیکن جب ہم نے احتجاج کیا تو ہمیں مارا پیٹا گیا۔
