اسلام آباد(مانیٹرنگ ڈیسک)پنجاب فوڈ اتھارٹی کا ملاوٹ مافیاکیخلاف کریک ڈاؤن جاری ہے۔ٹیسٹ کیلئے ملکی اور بین الاقوامی لیبارٹریز کو بھجوائے گئے دودھ کے نمونوں میں 16برانڈز درست قرار۔ تفصیلات کے مطابق وزیراعلیٰ پنجاب شہباز شریف کی ہدایت پر پنجاب فوڈ اتھارٹی
نے ملاوٹ مافیا کےخلاف کریک ڈائون کا سلسلہ جاری رکھا ہوا ہے۔ اس سلسلے میں پنجاب فوڈ اتھارٹی کی ٹیموں نے دوکانوں پر بکنے والے دودھ کے ڈبوں کے نمونے تجزیے کے لیے ملکی اور بین الاقوامی لیبارٹری بھجوائے۔تجزیے مکمل ہونے کے بعدپنجاب فوڈ اتھارٹی نے دودھ کے لیے گئے سیمپلزکی رپورٹ جاری کر دی ہیں۔تجزیہ رپورٹ کے مطابق ڈبے والے دودھ میں اولپر ، حلیب، گڈ ملک ، نیسلے ملک پیک، نیسویٹا اور نورپور استعمال کے لیے درست قرار۔ پاسچرائزڈدودھ میں اچھا، ایڈمز، انہار، پریما، ڈیلی ڈیری، ڈے فریش، ڈوسے، گورمے، مالمو اور نیوٹریو کے ٹیسٹ پاس ہوئے۔جبکہ پنجاب فوڈ اتھارٹی کے مطابق میلاک، ترنگ ، ٹی میکس، گپ شپ ، دوس ٹی، چائیکا، نیسلے ایوری ڈے، چائے میکس ، قدرت ، تازہ دم، وانیا اورال میکس ٹی وائٹنر ہیں ، یہ نہ تو دودھ ہیں اور نہ ہی اس کا متبادل ۔پنجاب فوڈ اتھارٹی کی ویب سائٹ پر دی گئی تفصیل کے مطابق عوام کو متنبہ کیا گیا ہے کہ وہ کھانے کی کوئی بھی چیز خریدنے سے قبل اس پر چسپاں لیبل احتیاط سے پڑھ لیں۔واضح رہے کہ ٹی وائٹنرکی معروف برانڈ کمپنیاں اپنے اشتہارات اور ڈبوں پر نہایت غیر واضح انداز میں عوام کو اپنی حقیقت سے آگاہ کرتی ہیں جس کے باعث عام عوام انہیں دودھ سمجھ کر خرید لیتے ہیں جبکہ یہ دراصل ٹی وائٹنر ہوتے ہیں۔
