لاہور(آئی این پی) لاہور فیکٹری ایریا آپریشن میں فورسز پر فائرنگ کرتے ہوئے گرفتار خاتون 10 فروری کو حیدرآباد سے لاپتا ہونے والی میڈیکل کی طالبہ نورین لغاری نکلی، ملزمہ کی ہلاک دہشت گرد علی طارق سے شادی کا بھی انکشاف ہوا ہے۔میڈیا رپورٹس کے مطابق فیکٹری ایریا آپریشن کی تحقیقات میں پیش رفت ہوئی ہے اور کئی اہم حقائق منظر عام پر آ گئے ہیں گرفتار خاتون حیدر آباد سے 10 فروری کو لاپتہ ہونے والی نورین

لغاری نکلی ملزمہ کی آپریشن میں ہلاک دہشت گرد علی طارق سے شادی کا بھی انکشاف ہوا ہے۔ آپریشن کے دوران نورین نے بھی فائرنگ کی جسے دھر لیا گیادوسری جانب نورین کے بھائی افضل لغاری کا کہنا ہے کہ ان کے والد بھی کہتے ہیں کہ گرفتار خاتون نورین ہو سکتی ہے۔ بائیس سالہ نورین لغاری لیاقت میڈیکل ہیلتھ سائنسز یونیورسٹی جامشورو میں ایم بی بی ایس سیکنڈ ایئر کی طالبہ تھی۔ اہلخانہ کے مطابق، نورین 10 فروری سے لاپتہ تھی۔