اسلام آباد (این این آئی)محکمہ موسمیات نے منگل تک ملک کے بیشتر میدانی علاقوں میں شدید گرمی رہنے کی پیشن گوئی کرتے ہو ئے کہا ہے کہ بیشتر علاقوں میں موسم گرم اور خشک رہے گاتاہم نصیر آباد، مکران،سبی، سکھر، شہید بینظیر آباد، لاڑکانہ، حیدر آباد، ملتان، بہاولپور، ساہیوال ،ڈی جی خان اور ڈی آئی خان ڈویژن میں شدید گرمی پڑے گی۔ترجمان عمران احمد صدیقی کے مطابق آئندہ 48گھنٹوں کے دوران ملک کے بیشتر علاقوں

میں موسم گرم اور خشک رہے گاتاہم نصیر آباد، مکران،سبی، سکھر، شہید بینظیر آباد، لاڑکانہ، حیدر آباد، ملتان، بہاولپور، ساہیوال ،ڈی جی خان، ڈی آئی خان اور فیصل آباد ڈویژن میں شدید گرمی پڑیگی۔گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ سندھ ، جنوبی پنجاب اور جنوبی بلوچستان میں موسم شدید گرم اور خشک رہا۔انہوں نے بتایا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق جیک آباد، لاڑکانہ ، تربت میں 47 ، دادو، شہید بینظیر آباد ،مٹھی، چھور، سکھر، پڈعیدن ،موہنجودڑو،لسبیلا، سبی46 ، بہاولپور، بھکر، رحیم یار خان، سکرنڈ میں 45 جبکہ لاہور میں کم سے کم 22، اسلام آباداور چترال14، کراچی 25،پشاور 17، کوئٹہ 12، گلگت اورہنزہ میں 07ڈگری تک رہنے کا امکان ہے۔