اسلام آباد ( آن لائن ) پیپلز پارٹی کے راہنما سنیٹر اعتزاز احسن نے کہا ہے کہ بھارتی جاسوس کلبھوشن یادیو کو اچانک پھانسی کی سزا سنائی گئی ، پتہ ہی نہیں چلا کلبھوشن کا ٹرائل شروع کب ہو ا اور ختم کب ہوا ؟ عزیر بلوچ کو فیئر ٹرائل کا حق حاصل ہے ، یہ نہ ہو کہ صبح پتہ چلے عزیر بلوچ کو سزا ہو گئی ہے ، پاناما کیس میں ہو سکتا ہے وزیر اعظم نواز شریف کے خلاف فیصلہ نہ آئے لیکن اگر وزیر اعظم کے خلاف فیصلہ آیا تو

ن لیگ کے پاس آپشن ہے کہ کسی اور کو وزیر اعظم بنا دے ، پاناما کیس کے فیصلے بارے پیپلز پارٹی اور ن لیگ کے درمیان کوئی ڈیل نہیں ہوئی، راحیل شریف بارے حکومتی وزراء کے بیانات میں تضادات ہیں ۔ جمعرات کے روز نجی ٹی وی کو انٹر ویو دیتے ہوئے پیپلز پارٹی کے راہنما سنیٹر اعتزاز احسن نے کہا کہ بھارتی جاسوس کلبوشن یادیو کا فیئر ٹرائل ہوا ، عزیر بلوچ کو فیئر ٹرال کا حق حاصل ہے ، یہ نہ ہو کہ صبح پتہ چلے عزیر بلوچ کو سزا ہو گئی ہے، عزیر بلوچ سے تعلق کے لیے منصوبے میں شامل ہونا ضروری نہیں ۔ انہوں نے کہا کہ بھارتی جاسوس کلبھوشن یادیو کو اچانک پھانسی کی سزا سنائی گئی ، پتہ ہی نہیں چلا کلبھوشن کا ٹرائل شروع کب ہو ا اور ختم کب ہوا؟کلبوشن کے معاملے پر عالمی دنیا میں ہمارا کیس کمزور ہے ، کلبھوشن کے اعترافات کے بعد اس کیس کو خفیہ نہیں رکھنا چاہئیے تھا ۔ اعتزاز احسن نے پاناما کیس سے متعلق پوچھے گئے سوال کے جواب میں کہا کہ پاناما کیس ایک شخص اور کاندان کا کیس ہے ، شریف فیملی نے تسلیم کیا کہ فلیٹ ان کے ہیں ، شریف خاندان کو بتانا چاہئیے تھا کہ اس نے فلیٹ کیسے بنائے ؟ انہوں نے کہا کہ ن لیگ گالم گلوچ کی بریگیڈ ہے ، پاناما کیس کے فیصلے کے بارے میں پیپلز پارٹی اور ن لیگ کی کوئی ڈیل نہیں ہوئی ہے ، ہو سکتا ہے پاناما کیس میں وزیر اعظم کے خلاف فیصلہ نہ آئے لیکن اگر وزیر اعظم نواز شریف کو نا اہل قرار دیا

جاتا ہے تو ن لیگ کسی اور کو وزیر اعظم بنا سکتی ہے ، نواز شریف کے جانے سے ن لیگ کی حکومت ختم نہیں ہو گی ۔ انہوں نے کہا کہ راحیل شریف کے معاملے میں حکومتی وزراء کے بیانات میں تضادات ہیں ، کبھی کہتے ہیں کہ راحیل شریف کو این او سی دے دیا ہے اور کبھی کہتے ہیں کہ این او سی نہیں دیا ، راحیل شریف خود اس لیے متنازعہ بن گئے ہیں کہ وہ ایک ایسے اتحاد کی کمان کرنے جا رہے ہیں جس کے بارے میں یہ تاثر ہے کہ یہ اتحاد ایک فرقے کے خلاف ہے ، ایران اور سعودی عرب کے درمیان کشیدگی برقرار ہے لیکن راحیل شریف اس متنازعہ فوجی اتحاد کی کمان کرنے جا رہے ہیں ۔ اعتزاز احسن نے کہا کہ راحیل شریف بار بار کہنا پڑ رہا ہے کہ 40ملکی فوجی اتحاد دہشتگردی کے خلاف ہے، کسی فرقے یا ملک کے خلاف نہیں ہے ۔

موضوعات:اعتزازاحسن