اسلام آباد(آن لائن) سابق صدر آصف علی زرداری کی صاحبزادی آصفہ بھٹو زرداری نے پارلیمنٹ میں خواتین کے متعلق نامناسب الفاظ پر خورشید شاہ سے معافی مانگنے کا مطالبہ کردیا ،جبکہ خورشید شاہ نے کہا کہ کوئی غلط بات نہیں کی سب میڈیا کا کمال ہے جمعرات کے روز سماجی رابطے کی ویب سائیٹ ٹوئیٹر پر اپنے جاری پیغام میں آصفہ بھٹو زرداری نے کہا ہے کہ خواتین کے متعلق نازیبا الفاظ برداشت نہیں کیے جاسکتے خواتین
کے متعلق پارلیمنٹ میں باربار بیانات دیے جاتے ہیں اُمید ہے خورشیدشاہ پارلیمنٹ میں دیے گئے بیان پر بہت جلد معذرت کرلیں گے خورشید شاہ نے کہا ہے کہ میں نے کوئی غلط بات نہیں کی یہ سب میڈیا کا کمال ہے ایوان میں ازارہ مذاق کی تھی اور آصفہ بھٹو کو میری بات سمجھ نہیں آئی ہوگی تبھی انہوں نے ایسا کہا ہے واضح رہے اپوزیشن لیڈر نے دوران خطاب سپیکر سے کہا تھا کہ خواتین کو بولنے دیں یہ باتیں نہ کریں تو بیمار ہوجاتی ہیں۔
