اسلام آباد (مانیٹرنگ ڈیسک) پاکستان تحریک انصاف کا کراچی کے بنیادی مسائل کے حل کے لیے مزار قائد سے احتجاجی دھرنے کا تیس اپریل سے آغاز کرنے کا اعلان، اس تحریک کی قیادت عمران خان کریں گے، تحریک انصاف کے کراچی ریجن کے صدر فردوس شمیم نقوی نے کہا کہ ہم نے کئی بار کراچی میں پانی کے مسئلے کو اٹھا کر کراچی واٹر اینڈ سیوریج بورڈ کی سچائی کو بیان کیا اس کے علاوہ ہم نے کے الیکٹرک کی
جانب سے کراچی کے شہریوں پر ظلم کے خلاف بھی آواز اٹھائی۔ ان خیالات کا اظہار انہوں نے ایک پریس کانفرنس کرتے ہوئے کیا، انہوں نے کہا کہ تحریک انصاف کے چیئرمین عمران خان 30 اپریل کو اس دھرنے کی قیادت کریں گے، انہوں نے کہا کہ عمران خان نے کراچی کے شہریوں سے وعدہ کیا تھا کہ وہ ان کے مسائل کے لیے آواز اٹھائیں گے، ان کے مطابق کراچی میں بلدیاتی اور سندھ حکومت ناکام ہو چکی ہیں،
