سرگودھا (نیوزڈیسک) سرگودھامیں ایک ایسے شخص کوگرفتارکیاگیاہے جو بچوں کی برہنہ فلمیں تیارکرکے دوسرے ملکوں میں فروخت کرتاہے۔تفصیلات کے مطابق وفاقی تحقیقاتی ادارے (ایف آئی اے)نے سوگودھاکی سوسائٹی کالونی میں چھاپہ ماربچوں کی برہنہ فلمیں فروخت کرنے والے شخص سعادت حسن منٹوکوگرفتارکرکے اس کے قبضے سے بڑی تعداد میں بچوں سے بدفعلی کی ویڈیو فلمیں،کمپیوٹرز کی ہارڈ ڈسکس 42 انچ کی ایل
ای ڈی اوردیگرسامان بھی برآمد ہواہے،ملزم نے ان فلموں کی تیاری کےلئے ایک سٹودیوبھی بنارکھاتھا۔ایف آئی اے نے یہ کارروائی ناروے میں ایک شہری کی شکایت پرکی ۔ملزم سعادت کے بارے میں معلوم ہواہے کہ اس کاتعلق سکینڈی نیویا کے بدنام زمانہ گروہ ڈارک روم سے ہے۔ ملزم بچوں کی غیراخلاقی وڈیوز بیرون ملک فروخت کرتا تھا، سرگودھا سے گرفتارملزم سعادت نے کئی راز اُگل ہیں۔اس نے یہ کمرہ کرائے پر لے رکھا تھا جبکہ علاقے کے بچے اسے منٹو انکل کے نام سے جانتے ہیں، ملزم سعادت نے اپنے اعترافی بیان میں بتایا ہے کہ وڈیوز کے 100سے 200 یورو ملتے ہیں، مکروہ دھندے میں ایک کارندہ منڈی بہاءالدین میں بھی موجود ہے۔ایک بچے نے بتایاکہ منٹو انکل سب بچوں سے کام کرواتے تھے اوربچوں کو دوربینیں دکھاتے تھے اور ساتھ کہتے تھے کہ میںجرمنی کی سی آئی ڈی میں ہوں ، جبکہ دوسرے افرادکی ہمدردیاں سمیٹنے کےلئے ملزم خود کوخون کے کینسرکامریض بتاتاتھا ۔ملزم سعادت منٹوکی گرفتاری کے بعد مزید انکشاف ہواہے کہ سکینڈینیوین ممالک میں ڈارک روم نامی گروہ31 مقامات پر کام کررہا ہےجس کے مکمل خاتمے کےلئے اب آپریشن شروع کیاگیاہے تاکہ بچوں کوجنسی ودیگرمسائل سے مکمل طورپرمحفوظ رکھاجاسکے ۔۔ملزم کوگرفتارکرنے کے بعد ایف آئی اے نے اس کومزید تفتیش کےلئے نامعلوم مقام پرمنتقل کردیاہے
