کراچی (این این آئی)سندھ ہائی کورٹ میں ایس ایس پی نیاز کھوسہ کی جانب سے راؤ انوار کیخلاف 85 ارب روپے سے زائد بیرون ملک بھجوانے سے متعلق درخواست دائر کردی گئی ہے ۔بدھ کوسندھ ہائی کورٹ میں ایس ایس پی نیاز کھوسہ کی جانب سے راؤ انوار کیخلاف دائر درخواست میں موقف اختیار کیا گیا کہ

ایس ایس پی راؤ انوار نے مختلف مملک کے 64 دورے کیے ہیں اور 85 ارب روپے کا زر مبادلہ بیرون ملک منتقل کیا ہے ۔راؤ انوار نو برس سے ملیر کے ایس ایس پی تعینات ہیں۔ اس دوران راؤ انوار نے اربوں روپے کی جائیدادیں اپنے ایلخانہ کے نام بنائی۔ ایس ایس پی راؤ انوار چائنہ کٹنگ اور زمینوں پر قبضہ میں ملوث ہے جبکہ زر مبادلہ بیرون ملک بھیجنے کے لئے ملیر میں من پسند افسران تعینات کیے ہوئے ہیں ۔عدالت سے استدعا ہے کہ نیب راؤ انوار کیخلاف نیب کے زریعے انکوائری کرائی جائے ۔راؤ انوار نے دبئی اور برطانیہ میں اپنے اثاثہ بنائے ہوئے ہیں۔ راؤ انوار کا نام ای سی ایل میں بھی شامل کیا جائے۔ درخواست میں وفاقی وزیر داخلہ، نیب، ایف آئی اے اور آئی جی سندھ کو فریق بنایا گیا ہے۔