اسلام آباد(رئیس احمدخان ) آزاد کشمیر کے علاقے کھوٹی رٹہ میں گورنمنٹ بوائز ہائی سکول گیائیں کا سالانہ رزلٹ صفر ،نیا ریکارڈ قائم ، ،پانچویں کا ایک طالب علم اور آٹھویں کے چار طالب علم پاس باقی سب فیل،ناقص کارکردگی نے سکول سٹاف کی اہلیت کا پول کھول دیا ۔تفصیلات کے مطابق گورنمنٹ بوائز ہائی سکول گیائیں کے ایلمینٹری بورڈ کے سالانہ امتحانات میں کارکردگی انتہائی ناقص رہی

پانچویں کے 14طلباء میں سے صرف ایک طالب علم کامیاب ہوا جبکہ آٹھویں جماعت کے 16طالب علموں میں سے صرف چار نے امتحان میں کامیابی حاصل کی ۔ناقص کارکردگی نے سکول سٹاف کی غفلت اور نا اہلیت کا پول کھول دیا۔بتایا جاتا ہے کہ سکول ہذا میں طلباء کی کل تعداد65 کے لگ بھگ ہے اور سٹاف کی تعداد 25 ہے جو تنخواہوں کی مد میں لاکھوں کا قومی خزانہ ڈکار جاتے ہیں اور کوئی کارکردگی نہیں ہے ۔عوام علاقہ نے سکول ہذا کی انتہائی ناقص کارکردگی پر گہری تشویش کا اظہار کرتے ہوئے اعلیٰ حکام سے مطالبہ کیا ہے کہ سکول ہذا میں سٹاف کے خلاف فوری ایکشن لیا جائے اور ان نا اہل اساتذہ جو قومی خزانے پر بوجھ ہیں کو نوکری سے فارغ کیا جائے اور وہ لوگ جو کئی دہائیوں سے سے یہاں تعینات ہیں انہیں تبدیل کیا جائے۔عوام علاقہ نے کہا کہ حکومت بجٹ کا بڑا حصہ تعلیم پر خرچ کرتی ہے پھر ان نااہل لوگوں کو کیوں نہیں پوچھا جاتا