جمعرات‬‮ ، 03 اپریل‬‮ 2025 

پاکستان کے دوست عظیم الشان سی پیک سے خوش جبکہ دشمن پریشان ہے,شہبازشریف

datetime 11  اپریل‬‮  2017
ہمارا واٹس ایپ چینل جوائن کریں

لاہور(نیوزڈیسک) وزیراعلیٰ پنجاب محمد شہبازشریف سے آج یہاں وفاقی وزیر ریلویز خواجہ سعد رفیق نے ملاقات کی۔ وزیراعلیٰ محمد شہباز شریف نے اس موقع پر گفتگو کرتے ہوئے کہا کہ وزیر اعظم محمد نواز شریف کی قیادت میں پاکستان اپنی کھوئی ہوئی منزل کی جانب بڑھ رہا ہے۔ چائنہ پاکستان اقتصادی راہداری منصوبہ پاکستان سمیت خطے کیلئے گیم چینجر ہے اور اس منصوبے نے معاشی و تجارتی ترقی کی نئی راہیں

کھول دی ہیں جبکہ دیگر ممالک کی جانب سے سی پیک میں شمولیت میں دلچسپی خوش آئند ہے۔ انہوں نے کہا کہ پاکستان کے دوست سی پیک سے خوش ہیں جبکہ دشمن اس عظیم الشان سرمایہ کاری پیکیج سے پریشان ہے۔ تاریخ ساز سرمایہ کاری پیکیج سی پیک کے خلاف کوئی سازش کامیاب نہیں ہونے دیں گے۔ وزیراعلیٰ نے کہا کہ پاکستان مسلم لیگ (ن) کی حکومت کے ترقیاتی منصوبے شفافیت، معیار اور رفتار کا شاہکار ہیں اور ترقیاتی منصوبوں میں شفافیت کو یقینی بنا کر اربوں روپے کے قومی وسائل بچائے گئے ہیں، کوئی مخالف بھی ہمارے منصوبوں کی شفافیت پر انگلی نہیں اٹھا سکتا۔ انہوں نے کہا کہ دھرنوں اور لاک ڈاؤن کے ذریعے پاکستان کی ترقی کے خلاف سازش کی گئی، تاہم باشعور عوام نے لاتعلق رہ کر اس سازش کو ناکام بنایا اورملک کی ترقی اور عوام کی خوشحالی کے خلاف سازشیں کرنے والے بعض سیاسی عناصرآج تنہا ہو چکے ہیں اور باشعور عوام منفی سیاست سے لاتعلق ہوچکے ہیں۔ انہوں نے کہا کہ ملک دھرنوں یا احتجاج کے ذریعے نہیں بلکہ محنت، خدمت اور دیانت سے آگے بڑھتے ہیں اور پاکستان کے عوام صرف ترقی اور خوشحالی چاہتے ہیں۔ کسی کو عوامی خدمت کے سفر میں رخنہ نہیں ڈالنے دیں گے اور عوام سے کئے گئے وعدے پورے کریں گے۔ وفاقی وزیر ریلویز خواجہ سعد رفیق نے اس موقع پر کہا کہ پاکستان مسلم لیگ (ن) کی قیادت خدمت اور محنت کی سیاست پر یقین رکھتی ہے۔

وزیراعلیٰ شہبازشریف پنجاب کی تعمیر و ترقی کے معمار ہیں اور صوبے میں شفافیت، میرٹ اور گڈگورننس کے فروغ کیلئے ان کی خدمات لائق تحسین ہیں۔ انہو ں نے کہا کہ پنجاب میں منصوبوں کی تیز رفتاری سے تکمیل کا چرچہ پوری دنیا میں ہے اور شہبازشریف کی غیرمعمولی انداز سے منصوبے مکمل کرنے کی رفتار ’’پنجاب سپیڈ‘‘ ضرب المثل بن چکی ہے۔صوبائی وزیر خواجہ سلمان رفیق بھی اس موقع پر موجود تھے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…