ملتان(آئی این پی)سی ٹی ڈی نے ملتان میں کاروائی کرتے ہوئے کالعدم جماعت الاحرار کے 7 دہشت گردوں کو گرفتار کرلیا۔ سی ٹی ڈی حکام کے مطابق دہشتگرد ملتان میں حساس تنصیبات کونشانہ بناناچاہتے تھے جبکہ دہشت گردوں کے قبضے سے اسلحہ، ڈیٹو نیٹر اور بارودی مواد برآمد ہوا ہے ،۔تفصیلات کے مطابق محکمہ انسداد دہشت گردی (سی ٹی ڈی) نے ملتان میں دہشت گردی کا بڑا منصوبہ ناکام بنادیا ،سی ٹی ڈی پولیس نے

کارروائی کرکے 7 مبینہ دہشت گردوں کو گرفتار کرلیا۔سی ٹی ڈی حکام کیمطابق دہشت گردوں کو خفیہ اطلاع پر گرفتار کیا گیا جن میں حنیف اللہ، نصراللہ، مجاہد اللہ، باغی خان، روح اللہ، اسماعیل اور شفیق خان شامل ہیں۔سی ٹی ڈی حکام نے بتایا کہ گرفتار دہشت گردوں کا تعلق کالعدم جماعت الاحرار سے ہے جب کہ ان کے قبضے سے اسلحہ، ڈیٹو نیٹو اور بارودی مواد بھی برآمد کیا گیا ہے،۔ہشت گردوں کو سویرا چوک ملتان میں ایک گھر سے گرفتار کیا گیا۔

موضوعات:دہشتگرد