پشاور (آئی این پی ) عوامی نیشنل پارٹی کے سربراہ اسفند یار ولی خان نے پختونوں کے بلاک شناختی کارڈ کے معاملے پر بدھ سے پارلیمنٹ ہاؤس اسلام آباد کے سامنے بھوک ہڑتال کا اعلان کرتے ہوئے کہا ہے کہ ساڑھے چار لاکھ پختونوں کے شناختی کارڈ بلاک کردیئے گئے،معاملے پر آج سے پارلیمنٹ ہاؤس کے سامنے بھوک ہڑتال کریں گے،بھوک ہڑتال میں پارٹی کے اراکین پارلیمنٹ شامل ہوں گے۔وہ منگل کو پشاور میں شمولیتی

جلسے سے خطاب کر رہے تھے۔انہوں نے کہا کہ جب تک پشتو میں تقریر نہ کروں تو جگر ٹھنڈا میں ٹھنڈ نہیں پڑتی،فاٹا اور خیبرپختونخوا کے شہریوں کے شناختی کارڈ بلاک کیے جارہے ہیں۔انہوں نے کہا کہ شناختی کارڈ صرف پختونوں کے بلاک کئے جارہے ہیں،ساڑھے چار لاکھ پختونوں کے شناختی کارڈ بلاک کردیئے گئے،شناختی کارڈ بلاک کرنے کے مسئلے پر آج بدھ سے پارلیمنٹ ہاؤس کے سامنے بھوک ہڑتال کریں گے