اسلام آباد (این این آئی)فیڈرل بورڈ آف انٹرمیڈیٹ اینڈ سکینڈری ایجوکیشن اسلام آباد کے زیرِ انتظام انٹرمیڈیٹ کے سالانہ امتحانات 18 اپریل سے شروع ہوں گے۔ پیر کو فیڈرل بورڈ کی جاری پریس ریلیز کے مطابق مذکورہ امتحانات میں شرکت کرنے والے تمام ریگولر امیدوار اپنی رول نمبر سلپس اپنے اداروں سے حاصل کریں اور پرائیویٹ/سابقہ امیدواران کی رول نمبر سلپس ان کے داخلہ فارم پر دئیے گئے پتہ جات پر روانہ کر دی گئی ہیں۔

مذید برآں تمام امیدواروں کی رول نمبر سلپس فیڈرل بورڈ کی ویب سائٹwww.fbise.edu.pk پر بھی اپ لوڈ کر دی گئی ہیں۔ وہ امیدواران جنہیں ابھی تک رول نمبر سلپس نہیں ملیں، وہ اپنی رول نمبر سلپس فیڈرل بورڈ کی ویب سائٹ سے ڈاؤن لوڈ کر سکتے ہیں اور اگر اس سلسلے میں کوئی دقت پیش آئے تو فوری طور پر بورڈ کے افسران سے رابطہ کریں۔  ویب سائٹ سے ڈاؤن لوڈ کی گئی رول نمبر سلپ امتحان میں شرکت کے لئے قابلِ قبول ہے۔

موضوعات:امتحانات