کراچی (آئی این پی )شہر قائد میں مردم شماری کی ٹیم نے ڈکیتی کی کوشش ناکام بنا دی ،دو ڈاکو گرفتار ہو گئے جبکہ ایک فرار ہونے میں کامیاب ہو گیا۔ کراچی کے علاقے ابو الحسن روڈ پر مردم شماری کی ٹیم اپنے کام میں مصروف تھی کہ وہاں تین ڈاکو وں نے آکر راہگیر کو لوٹنے کی کوشش کی جس کو مردم شماری کی
ٹیم نے ناکام بنا دیا اور دو ڈاکوؤں کو پکڑ لیا جبکہ ایک فرار ہونے میں کامیاب ہو گیا۔پکڑے گئے ڈاکوؤں کو رینجر ز نے اپنی حراست میں لے لیا۔ کراچی کے علاقے ابو الحسن روڈ پراہل علاقہ نے مردم شماری کی ٹیم کی جانب سے ڈاکوؤں کو پکڑنے پر خوشی کا اظہار کیا ہے اور مردم شماری کی ٹیم کے اقدام کو بہت سراہا ہے ۔
