ڈی جی خان( این این آئی)ڈیرہ غازی خان میں حساس اداروں اور رینجرز مشترکہ آپریشن میں 5 دہشتگرد وں کو ہلاک کر دیا گیا جبکہ دہشتگردوں کی فائرنگ کے نتیجے میں ایک
رینجرز اہلکار شہید ہو گیا ۔ ذرائع کے حوالے سے بتایاگیا ہے کہ حساس اداروں اور رینجرز نے خفیہ اطلاع ملنے پر ڈی جی خان میں بھرپور آپریشن کیا ، کارروائی کے دوران دہشتگردوں نے فائرنگ کر دی جس کی زد میں آکر ایک رینجرز اہلکار شہید ہوگیا جبکہ فورسز کی کارروائی میں 5 دہشتگرد مارے گئے ۔ مارے جانے والے تمام دہشتگرد مختلف وارداتوں میں مطلوب تھے ۔ آپریشن کے بعد جائے وقوعہ سے شواہد اکٹھے کر کے تفتیش کا آغاز کر دیا گیا ہے ۔واقع کے بعد سکیورٹی فورسز کی مزید نفری کو بھی طلب کر کے علاقے کا محاصرہ کر لیا گیا اور جرائم پیشہ افراد کے خلاف آپریشن کا دائرہ کار بڑھا دیا گیا ہے۔
