کوئٹہ (آئی این پی )بلوچستان اسمبلی میں مسلم لیگ (ن) کے رکن صوبائی رکن میر اظہار حسین کھوسہ نے کہاہے کہ صحبت پور میں بجلی کا بحران بہت زیادہ شدت اختیار کرگیا ہے 18گھنٹے لوڈشیڈنگ کی جاتی ہے،ایس ڈی او اور ایکسئن بھتہ وصول کرتے ہیں ۔گزشتہ روز اجلاس میں میر اظہار کھوسہ نے پوائنٹ آف آرڈرپر بات کرتے ہوئے کہا کہ ہم قرار داد
بھی لانا چاہ رہے تھے مگر آج پوائنٹ آف آرڈر پر نشاندہی کررہاہوں کہ صحبت پور میں بجلی کا بحران بہت زیادہ شدت اختیار کرگیا ہے 18گھنٹے لوڈشیڈنگ کی جاتی ہے صحبت پور میں چھ فیڈر ہیں جہاں ایس ڈی او اور ایکسیئن صاحبان بھتہ لیتے ہیں وہ ایک ایک فیڈر سے لاکھوں روپے بھتہ طلب کرتے ہیں اور کہتے ہیں کہ بل دیں یا نہ دیں ہمیں بھتہ دے دیں ۔
