اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار و صحافی رئوف کلاسرا نے انکشاف کیا ہے کہ خیبر پختونخواہ کے سابق آئی جی ناصر درانی جاتے جاتے پاکستان تحریک انصاف کے سربراہ عمران خان اور وزیر اعلیٰ کے پی پرویز خٹک کے ساتھ زیادتی کر گئے ہیں۔ رئوف کلاسرا نے کہا کہ سابق آئی جی نے جاتے جاتے

اپنی مرضی کا بندہ عمران خان سے کہہ کر آئی جی تعینات کروا دیا ہے۔ اس سلسلے میں نئے آئی جی خیبر پختونخواہ صلاح الدین محسود کو آئوٹ آف ٹرن پروموشن دی گئی ہے۔ اور یہ وہی معاملہ ہے جو سندھ میںاے ڈی خواجہ کے ساتھ کیا گیا ہے۔ رئوف کلاسرا کا مزید کہنا تھا کہ ناصر درانی نے دانستہ طور پر کے پی پولیس اور پورے صوبے کے ساتھ زیادتی کی ہے۔