اسلام آباد (آئی این پی ) الیکشن کمیشن کے ترجمان نے کہا ہے کہ تحریک انصاف کے امیدوار قومی اسمبلی اور صوبائی اسمبلی کے ضمنی انتخابات میں بلے کے نشان پر انتخاب نہیں لڑ سکیں گے ، درخواست کی صورت میں متعلقہ آر او بطور آزاد امیدوار انتخابی نشان کا فیصلہ کرے گا ، انٹرا پارٹی الیکشن کرانے تک پی ٹی آئی کے کسی امیدوار کو انتخابی نشان الاٹ نہیں کیا جائے گا۔ منگل کو آئی این پی کے استفسارپر کمیشن کے ایک
ترجمان نے کہا کہ پارٹی انتخابات نہ کرانے پر کمیشن نے تحریک انصاف کا انتخابی نشان منسوخ کر دیا ہے۔ پارٹی الیکشن کے انعقاد کے بعد ہی اسے دوبارہ انتخابی نشان الاٹ ہو سکے گا۔ ایک سوال کے جواب میں انہوں نے کہا کہ ضمنی انتخابات میں تحریک انصاف کے امیدواروں کو بلے کا نشان الاٹ نہیں کیا جائے گا۔ پی ٹی آئی کا امیدوار آزاد امیدوار کے طور پر انتخابی نشان کی الاٹمنٹ کے لئے اپلائی کرے گا
