اسلام آباد (این این آئی) محکمہ موسمیات نے کہاہے کہ آئندہ 24گھنٹوں کے دوران ملک کے بیشتر علاقوں میں موسم خشک رہے گا۔ رپورٹ کے مطابق گزشتہ 24 گھنٹوں کے دوران خیبر پختونخوا، فاٹا، گلگت بلتستان میں کہیں کہیں جبکہ کشمیر، کوئٹہ اور سرگودھا ڈویژن میں چند مقامات پر گرج چمک کے ساتھ بارش ہوئی۔ سب سے زیادہ بارش دیر میں 46 ملی میٹر، لوئر دیر43، کالام41، مالم جبہ 38، پاراچنار 30، چترال، پٹن27، سیدو شریف26، دروش25، میرکھانی18،

پشاور14، کوہاٹ 08، بالاکوٹ 07، چراٹ 06، کاکول04، گوپس13، استور12، چلاس 04، ہنزہ، بگروٹ ایک، کوئٹہ 17، مظفر آباد06، گڑھی دوپٹہ03 اور بھکر میں ایک ملی میٹر بارش ریکارڈ کی گئی جبکہ اس دوران بینڈوگول 06، گولین 03 اور کالام میں ایک انچ برف باری ریکارڈ کی گئی۔ جمعرات کو ریکارڈ کئے گئے ملک کے سرد ترین مقامات کی رپورٹ کے مطابق کالام میں درجہ حرارت منفی ایک جبکہ گوپس میں صفر ڈگری سینٹی گریڈ ریکارڈ کیا گیا۔