اسلام آباد(مانیٹرنگ ڈیسک)2013کے الیکشن میں دو اہم عرب ممالک نے مدد کی آفر کی ، قرآن پر ہاتھ رکھ کر بیان دینے کو تیار ہوں، عمران خان کا نجی ٹی وی کو انٹرویو میں تہلکہ خیز انکشاف۔ تفصیلات کے مطابق نجی ٹی وی کو اپنے ایک انٹرویو میں عمران خان نے تہلکہ خیز انکشاف کرتے ہوئے کہا ہے کہ 2013کے الیکشن میں دو اہم عرب ممالک کے نمائندوں نے مجھے الیکشن میں تعاون کی آفر کی تھی جس پر میں نے ان سے پوچھا کہ آپ میری الیکشن میں
کس قسم کی مدد کرنا چاہتے ہیں جس پر ان عرب ممالک کے نمائندوں نے کہا کہ ہم مالی امداد کیلئے تیار ہیں اور ماضی میں بھی ہم مختلف سیاسی جماعتوں کی مدد کرتے رہے ہیں۔ عمران خان کا کہنا تھا کہ اگر کوئی اس طرح کا تعاون لیتا ہے اور اقتدار میں آجاتا ہے تو وہ کیسے ملک کی خارجہ پالیسی کو ملکی مفاد اور آزادانہ طور پر چلا سکتا ہے ۔ ان کا کہنا تھا کہ 2013کے الیکشن میں انہیں معلوم ہے کہ دو سے تین ممالک نے مسلم لیگ ن کو سپورٹ کیا ۔
