لاہور(آئی این پی)ایڈوکیٹ اے ڈی ڈاہرنے (ن) لیگ کے رکن قومی اسمبلی میاں جاوید لطیف کو غیر اخلاقی اور غیر پارلیمانی گفتگو کرنے پر لیگل نوٹس بھجوادیا۔ ایڈوکیٹ اے ڈی ڈاہر کی جانب سے بھجوائے گئے نوٹس کے متن میں کہا گیا ہے کہ جاوید لطیف نے غیر اخلاقی اور غیر پارلیمانی گفتگو کی اور ہتک عزت کی۔لیگل نوٹس
میں جاوید لطیف سے 15دن میں معافی کا مطالبہ کرتے ہوئے کہا گیا ہے کہ اگر معافی نہ مانگی اور اسپیکر قومی اسمبلی نے رکن اسمبلی جاوید لطیف کی رکنیت معطل نہ کی تو عدالت سے رجوع کیا جائے گا۔لیگل نوٹس سپیکر قومی اسمبلی سردار ایاز صادق،مسلم لیگ (ن) سینٹرل سیکرٹریٹ اور جاوید لطیف کو بھجوایا گیا ہے۔
