اسلام آباد(آئی این پی )وفاقی وزیر داخلہ چوہدری نثارعلی خان نے پشاورپاسپورٹ آفس میں ویزہ توسیع کے لئے افغان شہریوں کے رش کا نوٹس لیتے ہوئے بنوں ، سوات ، ایبٹ آباد اور مردان پاسپورٹ آفسز میں ویزہ توسیع کی سہولت کی ہدایت کردی۔ پیر کو وزیر داخلہ چوہدری نثار علی خان نے پشاور پاسپورٹ آفس میں ویزہ توسیع
کے لئے افغان شہریوں کے رش کا نوٹس لے لیا۔ وزیر داخلہ نے بنوں ، سوات ، ایبٹ آباد اور مردان پاسپورٹ آفسز میں ویزہ توسیع کی سہولت کی ہدایت کرہدایت کردی۔ چوہدری نثار علی نے ہدایت کی کہ ویزہ توسیع کیلئے آنیو الے افغان شہریوں کو کسی دقت کا سامنا نہ کرنا پڑے اور کسی قسم کے رش کی شکایت موصول نہ ہو۔
