اسلام آباد(آئی این پی )پاکستان الیکٹرانک میڈیا ریگولیٹری اتھارٹی (پیمرا) نے 27 نجی ٹی وی چینلوں کو گلبرگ لاہور میں مورخہ 23فروری 2017 ء کو بم دھماکہ کی غیر مصدقہ اور جعلی خبر پر ناظرین سے معذرت نہ کر نے کی بنا پر اظہار وجوہ کے نوٹسزجاری کردیئے اور انہیں 15مارچ 2017 ء تک جواب داخل کروانے کا حکم دیدیا ۔ پیمرا اتھارٹی میٹنگ نے مورخہ 3مار چ 2017 ء کو ہونے والے 126ویں
اجلاس میں 29ٹی وی چینلوں کو گلبرگ دھماکہ کی جعلی خبر نشر کرنے پر جر مانہ(نجی قومی ٹی وی چینلوں پر 10، 10لاکھ روپے جبکہ علاقائی چینلوں پر 5، 5لاکھ روپے) کی ادائیگی اور ناظرین سے معذرت نشر کرنے کا حکم دیا تھا ۔ جرمانہ کی رقم اتھارٹی فیصلے کی تاریخ یعنی 3مارچ 2017 ء سے تین ہفتے کے عرصہ کے اندر جمع کروانا تھی جبکہ ناظرین سے معذرت نشر کرنے کے لئے 6مارچ 2017 ء (شام 6 تا 7بجے ) کی تاریخ مقرر کی گئی تھی۔جرمانہ کی رقم اتھارٹی فیصلے کی تاریخ یعنی 3مارچ 2017 ء سے تین ہفتے کے عرصہ کے اندر جمع کروانا تھی جبکہ ناظرین سے معذرت نشر کرنے کے لئے 6مارچ 2017 ء (شام 6 تا 7بجے ) کی تاریخ مقرر کی گئی تھی۔ تاہم 29میں سے صرف دو ٹی وی چینلز ’کوہِ نور ‘اور ’چینل – 5‘نے ناظرین سے معذرت نشر کی جبکہ دیگر 27نے ایسا نہیں کیا ۔ پیمرا نے احکامات کی خلاف ورزی پر مندرجہ ذیل 27ٹی وی چینلوں کو اظہار وجوہ کا نوٹس جاری کیا ہے : اے آر وائی نیوز، خیبر نیوز، چینل 92، دنیا ٹی وی، سماء ٹی وی، میٹرو ون ، جیو نیوز، آواز ٹی وی، جاگ ٹی وی، اب تک ، روز ٹی وی، ڈان نیوز، مہران ٹی وی، 7نیوز، لاہور نیوز، نیو ٹی وی، کیپٹل ٹی وی، سچ ٹی وی، سندھ ٹی وی نیوز، ایکسپریس نیوز، دن نیوز، وقت ٹی وی، کے ٹی این نیوز، نیوز ون، چینل۔24، بول نیوز اور K-21 اور اُن سے سات روز میں جواب طلب کیا ہے۔
