کراچی (مانیٹرنگ ڈیسک ) مفاہمت کے بادشاہ سابق صدرآصف علی زر داری سے جمعہ کے روزمسلم لیگ (ن) کے مرکزی رہنمااورسابق رکن سندھ اسمبلی عرفان اللہ مروت نے بلاول ہائوس میں ملاقات کی ۔ایک نجی ٹی وی کے مطابق مسلم لیگ (ن) کے رہنماعرفان اللہ مروت نے کراچی میں بلاول ہائوس پہنچے اورانہوں نے آصف علی زرداری سے ملاقات کی اوراس موقع پرعرفان اللہ مروت نے مسلم لیگ (ن) چھوڑکرپیپلزپارٹی میں شرکت کااعلان کردیا۔
انہوں نے کہاکہ ن لیگ کی قیادت کارکنان تودورکی بات منتخب عوامی نمائندئوں کوبھی مشکل سے ملتی ہے اورایسی صورت حال میں عوام کی کیسے خدمت کی جاسکتی ہے؟۔انہوں نے کہاکہ قیادت کے رویے سے نالاں ہوکرآصف علی زرداری سے ملنے آیاہوں اوراب میں نے ن لیگ کوچھوڑدیاہے او رپاکستان پیپلزپارٹی میں باضابطہ طورپرشامل ہوگیاہوں ۔اس موقع پرعرفان اللہ مروت نے بلاول بھٹوزرداری اورآصف علی ز رداری کی قیادت پرمکمل اعتماد کااظہارکیا۔
