اتوار‬‮ ، 18 مئی‬‮‬‮ 2025 

سپر لیگ فکسنگ سکینڈل!باتیں کیا ہوتی رہیں؟ حقیقت کچھ اور ہی نکلی!

datetime 24  فروری‬‮  2017
ہمارا واٹس ایپ چینل جوائن کریں

اسلام آباد (مانیٹرنگ ڈیسک) سینٹ کی قائمہ کمیٹی برائے بین الصوبائی رابطہ نےا سپاٹ فکسنگ یا میچ فکسنگ کرنے والوں پر تاحیات پابندی کا مطالبہ کردیا۔ چیئرمین پی سی بی نے جواب دیا میچ فکسنگ تو پوری دنیا میں ہوتی ہے، فکسنگ کی پہلے سے اطلاع تھی، کھلاڑیوں کو موقع دیا۔مسلم لیگ (ن) کے سینیٹ میں پارلیمانی لیڈرسینیٹرمشاہداللہ کی صدارت میں سینٹ کی قائمہ کمیٹی برائے بین الصوبائی رابطہ کا اجلاس ہوا

اجلاس میں ارکان کمیٹی نے چیئرمین پی سی بی شہریار خان سے چبھتے سوالات کیے۔ چیئرمین کمیٹی نے کہا کہ اسپاٹ فکسنگ سے ملک کی بدنامی ہورہی ہے، کرکٹ بورڈ ماضی میں سخت ایکشن لیتا تو آج یہ واقعات دوبارہ نہ ہوتے۔مشاہد اللہ خان نے سوال کیا کہ آئی سی سی سے آپ نے رابطہ کیا؟ یا انہوں نے آپ سے رابطہ کیا؟ اگر آپ نے آئی سی سی سے رابطہ کیا تھا تو آپکو خبروں کی تردید کرنا چاہیے تھی۔شہریارخان نے بتایا کہ ہمارے پاس اطلاع تھی کہ ایسا واقعہ ہونے لگا ہے، اس لیے تیار تھے۔ ناصر جمشید کے بکیز کے ساتھ مبینہ روابط تھے اور انھوں نے شرجیل خان اور خالد لطیف سے بکیز کو ‘فین’ کہہ کر ملوایا۔ خالد لطیف اور شرجیل خان کے خلاف ثبوت موجود ہیں، دونوں نے اپنی غلطی کا اعتراف کرلیا اور اب معافی مانگ رہے ہیں۔ محمد عرفان کے خلاف بھی تحقیقات جاری ہیں۔انہوں نے کہا کہ خالد اور شرجیل کا آفیشل بیان پہلے بیان سے تھوڑا مختلف ہے، دونوں کو تحریری جواب کے لیے 14 دن کا وقت دیا ہے، کھلاڑی اپنے بیان پر برقرار رہے تو ٹربیونل بنا دیں گے۔ان کا کہنا تھا کہ اسپاٹ فکسنگ کوئی نئی چیز نہیں، یہ دنیا بھر میں ہوتی ہے اور سب سے زیادہ ٹی 20 کرکٹ میں ہوتی ہے۔ پہلا پی ایس ایل کامیاب ہوا تو دوسرے ایڈیشن میں بکی آگئے۔ بکی کھلاڑیوں سے براہ راست نہیں بلکہ رشتہ داروں یا سابق کھلاڑیوں کے ذریعے رابطہ کرتے ہیں۔اس موقع پر چودھری تنویر نے شہریار خان سے سوالات کی بوچھاڑ کر دی، کہا تحریری طور پر بتایا جائے کہ کرکٹ بورڈ کا آڈٹ کون کرتا ہے؟ ملازمین کی تعداد اور تنخواہیں کتنی ہیں؟ یہ بھی بتایا جائے کہ پی ایس ایل کے پہلے ایڈیشن میں کتنا منافع کمایا۔سینٹ کی قائمہ کمیٹی برائے کھیل نے تحریری جواب آنے تک معاملہ موخر کر دیا۔

موضوعات:

آج کی سب سے زیادہ پڑھی جانے والی خبریں


کالم



10مئی2025ء


فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…