اسلام آباد(مانیٹرنگ ڈیسک)پاک فوج کے آپریشن ردالفساد کے ثمرات آنا شروع ہو گئے۔ پاک افغان بارڈر پر 2انتہائی مطلوب دہشتگردوں کو واصل جہنم کر دیا گیا۔ تفصیلات کے مطابق پاک فوج کے آپریشن ردالفساد کے ثمرات آنا شروع ہو گئے۔افغان بارڈر پر پاک فوج کی گولہ باری سے 2انتہائی مطلوب دہشتگرد مارے گئے ہیں ،

ذرائع کے مطابق ہلاک ہونے والے دہشتگردوں کا تعلق کالعدم جماعت الاحرار سے ہے ۔ سکیورٹی ذرائع کے مطابق ہلاک دہشتگردوں میں لاہور خودکش حملے کا ماسٹر مائنڈ وجیہہ اللہ الیاس شامل ہے جبکہ دوسرا دہشتگرد حکمت عرف قاری زبیر ہے جو افغانستان میں جماعت الاحرار کے ٹرانزٹ کیمپ کا انچارج تھا۔ دونوں دہشتگرد پاکستان میں متعدد دہشتگردانہ کارروائیوں میں ملوث تھے جبکہ ملک دشمن ایجنسیوں کیساتھ روابط میں بھی تھے۔ دہشتگرد وجیہہ اللہ الیاس اور حکمت عرف قاری زبیر کی ہلاکت کو بڑی کامیابی قرار دیا جا رہا ہے۔

موضوعات:آپریشن ردالفساد پاک فوج جماعت الاحرار حکمت عرف قاری زبیر وجیہہ اللہ الیاس