لاہور (مانیٹرنگ ڈیسک)بحریہ ٹائون لمیٹڈ کمپنی نے ایسکورٹس انویسٹمنٹ بنک خرید لیا۔ تفصیلات کے مطابق پاکستان کے معروف پراپرٹی ٹائیکون ملک ریاض کی کمپنی بحریہ ٹائون لمیٹڈ نے ایسکورٹس انویسٹمنٹ بنک خرید لیا ہے۔ مذکورہ بنک کی خرایداری کیلئے تمام تر ذمہ داریاں معروف کاروباری شخصیت عقیل کریم ڈھیڈی کی کمپنی اے کے ڈی سیکورٹیز کو دی گئی ہیں۔ اے کے ڈی سیکورٹی

کمپنی نے بنک چیئرمین کو جاری ایک خط میں کہا ہے کہ بحریہ ٹائون پرائیویٹ لمیٹڈ نے پاکستان کے تمام قوانین کو مد نظر رکھتے ہوئے ایسکورٹس انویسٹمنٹ بینک لمیٹڈ کے 3 کروڑ 13 لاکھ 84 ہزار 24 شیئرز جو کہ مجموعی حصص کا 71 اعشاریہ 16 فیصد بنتے ہیں خرید نے کا اور شیئرز کی خریداری کے ساتھ بینک کے انتظامی حقوق بھی حاصل کرنے کا ارادہ کیا ہے ۔بحریہ ٹائون لمیٹیڈ کی جانب سے ایکسورٹس انویسٹمنٹ بنک کا انتظام و انصرام اے کے ڈی سیکورٹیز کو سونپا گیا ہے۔ اسکورٹس انویسٹمنٹ بینک لمیٹڈ ایسکورٹس گروپ آف کمپنیز کا حصہ تھا۔ گروپ کے چیئرمین بشیر احمد نے 1996 میں یہ بینک قائم کیا تھا ۔